Ejja niċċelebraw festa ta’ mħabba lejn min l-aktar li għandu bżonn!

Attivita mtella flimkien mal-Fondazzjoni ‘Save a Life’.

Irreġistra: 79447674

Wara waqfa ta’ sena u nofs, l-Għaqda tal-Pawlini se tkun qed terġa torganizza attivita soċjali u ta’ Fund Raising b’risq il-Festa ta’ San Pawl.

In-nuqqas tagħkom il-membri inħass ħafna, għalhekk qed inħeġġu lill-Pawlini bex jattendu b’etużjażmu sabiex nerġgħu ngħixu iljieli memorabble flimkien.

Biex tibbukkjaw il-post tagħkom tistgħu ċċemplu fuq: +356 7944 7674 jew billi tavviċinaw lill-membri tal-Kumitat.

Din l-attivita se tkun qed tittella bil-miżuri kollha meħtieġa skont id-direttivi tal-Awtoritajiet tas-Saħħa

Narawkom!

Viva San Pawl Patrun tal-Arċipelagu Malti.

Ir-ravjul tal-fjur kienet ikla ravjul li tinbiegħ minn ħanut imlaqqam bl-istess isem, ġewwa l-Arċipierku fil-Belt Valletta, lura sas-snin sebgħin. Ir-ravjul kien għal żmien twil, ikla popolari ma’ kull min kien jiġi sal-Belt kapitali.
L-Għaqda tal-Pawlini derilha li jkun xieraq terġa’ tqajjem din it-tradizzjoni waqt Notte Bianca.
Kunu magħna għal ikla ravjul bnin bil-parteċipazzjoni ta’ Mark Spiteri Lucas Band.

Il-Festa ta’ San Pawl din is-sena se ssir fis-27 ta’ Jannar minħabba ċ-ċaqlieq previst minħabba li l-Għid il-Kbir ser jasal aktar kmieni mis-soltu.

Il-Kumitat tal-Għaqda tal-Pawlini, flimkien mal-membri f’fergħat u kummissjonijiet u l-membri attivi, ħadmu għal xhur sħaħ sabiex din l-okkażjoni tkun ta’ ġieh għall-Pawlini, għall-Beltin u anki għall-Malta – hekk kif dejjem għamlu missirijietna. Il-Komunità Pawlina tifraħ bi kburija li l-Festa tan-Nawfraġju ta’ San Pawl hija l-ewwel Festa titulari li qed tilqa’ lil Malta u ‘l Belt Valletta bħala Kapitali Ewropea tal-Kultura 2018 flimkien mal-belt ta’ Leeuwarden fl-Olanda.

Bir-responsabbiltà li ġġib magħha festa nazzjonali, il-Pawlini dejjem iqumu għall-okkażjoni sabiex tkun imfakkra din il-ġrajja tant għażiża ta’ meta l-akbar appostlu ta’ Kristu, sab ruħu, b’intervent qaddis, fuq ix-xtajtiet tagħna. L-istess xtajtiet fejn tant Maltin iqattgħu l-ħin liberu tagħhom.

Huwa għalhekk li din il-Festa ser tkun okkażjoni oħra fejn il-Maltin jinġabru bi ħġarhom sabiex jiċċelebraw u jingħaqdu quddiem din il-memorja għażiża għalina. L-Għaqda tal-Pawlini għal darb’oħra ippubblikat programm ta’ attivitajiet li tistgħu ssibu fuq din l-istess sit elettroniku.

Inħeġġukom sabiex tkunu magħna u tgawdu din il-festa tagħna u tagħkom!

Din l-attività, li se ssir fil-Knisja ta’ San Pawl Nawfragu fil-Belt Valletta se tikkonsisti fi programm mużikali mill-Valletta Ensemble taħt it-tmexxija ta’ Mro Valhmor Montfort. Se jkun hemm qari ta’ letteratura oriġinali permezz ta’ kollaborazzjoni tal-Għaqda tal-Malti kif ukoll preżentazzjoni artistika minn Sandro Debono, il-Kuratur Prinċipali tal-Mużew tal-Arti (MUŻA) u diskors minn Patri Karm Debattista MSSP. Din l-attività se tkun ippreżentata minn Christian Micallef taħt il-patroċinju tal-President ta’ Malta.

L-Għaqda tal-Pawlini se torganizza d-Dinner Dance Annwali tal-Festa. Din is-sena se jsir is-Sibt 21 ta’ Jannar 2017 fid-9.00 p.m. fil-Westin Dragonara, San Ġiljan. Il-biljetti jinkisbu mingħand Saulus fi Triq San Pawl jew mingħand Mario Cassar fuq 79949194 għall-prezz ta’ €28 għall-kbar u €15 għal tfal taħt it-12-il sena. Din l-attività hija sponsorjata mill-Fondazzjoni Save A Life.

Tikteb u inti żagħżugħ jew żagħżugħa? Bħalissa qegħdin naċċettaw kitbiet qosra bil-Malti għal serata li se tittella’ f’Jannar 2017. It-tema ewlenija, jiġifieri l-martirju, tista’ tiġi interpretata b’mod wiesa’ u għaldaqstant nittamaw li jkollna sottomissjonijiet ta’ natura kreattiva ħafna. Il-kitbiet magħżula għandhom jinqraw f’mhux iktar minn 4 minuti.

Fil-każ ta’ stejjer qosra, nissuġġerixxu tul ta’ bejn 300 u 500 kelma.
Fil-każ ta’ poeżiji, nissuġġerixxu tul ta’ madwar 30 vers.

Is-sottomissjonijiet huma miftuħa għal żgħażagħ ta’ 35 sena jew inqas, u għandhom jaslulna fuq wieħed minn dawn l-indirizzi sa nhar il-Ġimgħa, 18 ta’ Novembru:

info@www.sanpawl.com
għaqdatalmalti@gmail.com

Wara li ssir l-għażla, għandha ssir laqgħa u jista’ jkun li ssir talba għal xi bidliet ta’ natura editorjali. Din is-serata qed tittella’ mill-Akkademja Kulturali Pawlina f’kollaborazzjoni mal-Għaqda tal-Malti – Università. Għal aktar tagħrif tistgħu żżuru l-paġni tal-Facebook taż-żewġ għaqdiet:

www.facebook.com/AkkademjaKulturaliPawlina
www.facebook.com/ghaqdamalti

Buffet Dinner imtella’ mill-Għaqda tal-Pawlini bis-sapport tal-Hotel Victoria. Flimkien nibdew niċċelebraw żmien il-Milied u fl-istess ħin naħdmu b’risq il-Festa tan-Nawfraġju ta’ San Pawl 2017

Varjetà ta’ ikel u xorb inkluż fil-prezz. Matul is-serata ikun hemm inbid, birra, soft drinks u ilma flowing.

Biljetti mingħand il-membri tal-Kumitat jew ċempel 79447644
• Adulti €25 • Tfal taħt 12-il sena €15
• Tfal taħt is-6 snin b’xejn

L-Akkademja Kulturali Pawlini qed torganizza ħarġa kulturali bix-xarabank sal-Katakombi ta’ San Pawl, ir-Rabat.  Din se ssir nhar is-Sibt 3 ta’ Settembru 2016. Fid-9.00 a.m. jitlaq ix-xarabank minn ħdejn il-Qanpiena u wara jiġbor in-nies minn ħdejn il-lukanda Phoenicia. Kif naslu hemm immorru nżuru l-Katakombi ta’ San Pawl bi gwida. Għal ħabta tan-12.30 pm immorru nieklu fil-Każin tas-Soċjetà San Pawl Banda Konti Ruġġieru. Għas-2.00 p.m. nitilqu lura lejn il-Belt Valletta.

Il-postijiet huma limitati u min jixtieq jibbukkja post għandu jċempel fuq 99804642 jew jibgħat email fuq info@www.sanpawl.com.

Workshop għat-tfal dwar is-snajja’ marbuta mal-festi

L-Għaqda tal-Pawlini qed torganizza serje ta’ seminars immirati lejn żgħażagħ ta’ etajiet varji, dwar il-ħidma u s-snajja li huma meħtieġa biex tittella’ festa Maltija. Huma snajja li jiffurmaw il-mużajk li hija l-festa f’komunità b’saħħitha u li tħares ‘l quddiem.

Is-seminars ser ikunu mqassma kif ġej:

Induratura – Neville Farrugia
Skultura – Eddie Hili
Konservazzjoni u Restawr – Robert Cassar
Storja – Martin Gravina (is-seminar isir fil-Knisja)
Health and Safety – Paul Grima
Ħjata – Mario Cassar
Light Design – Mario Bonello
Career Guidance – Christiana Farrugia
Spiritwalità – Fr Victor Paul Farrugia

Apparti dawn is-suġġetti ninsabu f’negozjati sabiex ninkludi sessjonijiet dwar l-isfumar, id-disinn, l-irħamar u l-fotografija.
Dawn is-sessjonijiet ser jinżammu fil-parti l-kbira ġewwa d-Dar tal-Għaqda fi 8, Triq l-Arċisqof, u jinkludu teorija kif ukoll prattika.

Din l-ewwel serje ta’ sessjonijet nhar is-Sibt 13 ta’ Awwissu. Inħeġġukom tħajjru lit-tfal, subien u bniet, sabiex jattendu u jgawdu minn din l-esperjenza ġdida u unika. Ibbukkjaw fuq 79204432.

L-inizzjattiva qed tittella’ grazzi għall-Fondazzjoni Save a Life

Awguri Valletta huwa proġett maħsub u mtella’ mill-Għaqda tal-Pawlini sabiex it-tfal, ġenituri u nanniet Beltin, jiċċelebraw flimkien l-450 sena mit-twaqquf tal-Belt Valletta. Fil-bidu tqassmu biċċiet ta’ drapp abjad ma’ kull student ġewwa l-iskola primarja tal-Belt. Dawn l-istudenti ġew imħeġġa permezz ta’ kollaborazzjoni mal-għalliema, sabiex ipenġu b’mod liberu dak li għalihom tfisser belthom… mill-bini storiku, il-logħob fit-toroq, monumenti, ċelebrazzjonijiet, persunaġġi, sports, simboli, festi u knejjes, fost oħrajn. Il-bċejjeċ kollha maħduma mill-istudenti nġabru sabiex nhar il-Ġimgħa 10 ta’ Ġunju 2016, fl-10:00 ta’ filgħodu, l-Għaqda tal-Pawlini flimkien mal-istudenti u l-familjari tagħhom, jgħamlu dimostrazzjoni simbolika b’bandiera kbira ffurmata mill-bnadar kollha maħluqa mit-tfal. Din tibda mill-istess skola fi Triq Merkanti. Il-ġenituri u n-nanniet flimkien mat-tfal, ser jirrappreżentaw il-ġenerazzjonijiet tal-bierah u t’għada. Il-bandiera ser tittella’ bi brijju ma’ arblu kbir fiż-żona tal-Arċipierku.

Dan il-progett kien maħsub sabiex fih jieħdu sehem għadd imdaqqas ta’ persuni minn kull qasam tal-ħajja. Proġett li ser jindirizza udjenza ġdida; tista’ tgħid familji sħaħ. Ser inkunu qed inlaqqaw lit-tfal ma esperjenza ġdida fl-arti u l-kreattività; biċċa xogħol kollettiva kbira u sabiħa (collage) li mhux biss jistgħu jiftaħru dwar il-parteċipazzjoni tagħhom iżda ser ikollhom iċ-ċans jimxu kburin biha matul it-toroq tal-Belt Valletta.

It-tfal bħala artisti protagonisti fil-proġett u l-futur ta’ din il-Belt, ser iwassluna għat-tragward ġdid ta’ din Beltna għażiża; dak tal-450 anniversarju mit-twaqqif. Flimkien man-nanniet li wassluha s’hawn u mal-ġenituri li huma l-polz u r-ruħ tal-preżent.

Il-proġett ser jgħinha nistaqsu fejn irridu nieħdu l’ din Beltna. Messaġġ ċar, li din hija belt kulturali msawwra u mżejna minn artisti ta’ kull żmien. Permezz tal-kreattività tagħhom, it-tfal jindikaw fejn qed iħabbat il-polz ta’ dawn il-bennejja tal-futur. Il-bandiera tista’ tibqa tintuża għal attivitajiet oħra tat-tfal, jew tiġi esibita f’xi sala jew mużew kontemporanju bħala opra artistika.

Permezz tal-proġett Awguri Valletta, l-Għaqda tal-Pawlini tixtieq tesponi l-kwalitajiet kreattivi tal-komunità f’kuntest ikbar u tkompli tressaq lill-komunità eqreb lejn l-arti u l-kultura anki fil-prospettiva tas-sena 2018. L-Għaqda tal-Pawlini mħeġġa wkoll sabiex b’mod parteċipattiv u bħalma dejjem għamlet, twassal il-valuri tal-kultura u l-arti lill-membri tagħha, lill-Beltin u lil dawk li jmissu magħha.

Awguri Valletta huwa organizzat mill-Għaqda tal-Pawlini flimkien mal-iskola Primarja, Kulleġġ San Ġorġ Preca, Valletta u ġie ffinanzjat mill-Fondi tal-Komunitajiet Kreattivi – inizzjattiva tal-Kunsill Malti għall-Arti. L-Għaqda tal-Pawlini tirringrazzja lis-Sur Bernardo Riolo, kap tal-iskola kif ukoll lit-tim fil-Kunsill Malti għall-Arti għas-sapport li offrew tul it-twettiq ta’ dan il-proġett.

Nhar il-Ħadd, 6 ta’ Marzu ser tinżamm is-Seduta Ġenerali skont kif jitlob l-Istatut tal-Għaqda tal-Pawlini. Is-seduta tibda fid-9:45 a.m. ġewwa d-Domus Pauli, Triq San Pawl, fil-Belt Valletta. Din hija l-aġenda:

• Talba
• Qari tal-Minuti
• Ħwejjeġ li jirriżultaw mill-minuti
• Korrispondenza
• Rapport Amministrattiv mis-Segretarju
• Rapport Finanzjarju mill-Kaxxier sa Frar 2016
• Preżentazzjoni tal-inventarju aġġornat tal-Għaqda tal-Pawlini
• Affarijiet oħra
• Elezzjonijiet għall-ħatra ta’ President u Kumitat tal-Għaqda tal-Pawlini u President u Kumitat tal-Fergħa Żgħażagħ Pawlini

Kull membru huwa mħeġġeġ li jattendi għal din il-laqgħa mportanti u jieħu sehem fid-diskussjoni.

Il-Kummissjoni Elettorali ser tkun komposta mis-sinjuri Joseph Bartono bħala chairman u s-sinjuri Joseph Huber, James Mulholland u Marcel Zammit Marmarà bħala membri. Dawk il-membri nteressati li jitfgħu n-nomina tagħhom għall-Kumitat 2016/17 għandhom jiddepożitaw in-nominazzjoni tagħhom flimkien ma’ ritratt, personalment fis-sagristija tal-Kolleġġjata San Pawl Nawfragu, Triq Santa Luċija, Valletta. L-applikazzjoni tagħlaq nhar il-Ħamis 3 ta’ Marzu 2016 fis-7:00 p.m. Wara dan il-ħin, l-ebda applikazzjoni ma tkun ikkunsidrata. Il-votazzjoni tibda eżatt wara li tintemm il-laqgħa u tibqa’ sejra san-12:30 p.m.

Daw il-membri li għadhom ma ħallsux il-menswalità jistgħu jgħamlu dan billi javviċinaw lis-Sur Charles Grima jew billi jibgħatu cheque pagabbli lill-Għaqda tal-Pawlini fl-indirizz:- Segretarju, Għaqda tal-Pawlini – 195, Triq Sant’ Ursola, Valletta VLT1237. Il-menswalità tista’ titħallas ukoll tul il-Laqgħa Ġenerali, qabel jittieħed il-vot.